Os escudos ou ancilas de Numa

       Estes eran os escudos protectores de Roma.

     Se  miramos calquera santoral, depende de onde sexa os santos do primeiro do mes cambian, xeralmente para invocar a aqueles que en vida foron protectores da cidade, dos que o exemplo clásico aquí en Galicia é o san Rosendo, tan venerado en Ourense e sobre todo en Celanova, onde tanto contribuíu ó enriquecemento da súa vila natal, santos que viñeron a substituír un culto anterior ó Anxo da Garda.

        Pero na Roma clásica, nestes días do primeiro de marzo tamén se festexaba cunha procesión que percorría a cidade, o insólito feito do escudo que Xúpiter lle mandara a Numa, como símbolo de protección da cidade, un escudo que, caído do ceo, se custodiaba no Palatino, xunto con outros seis que eran falsos, para que así, de roubalos, o ladrón nunca sabería cal era o verdadeiro, e polo tanto nunca deixaría á cidade sen tan divina protección.

         Estes escudos sagrados ou ancilas, sacábanse en procesión nestas datas coincidindo cos primeiros días do ano do antigo calendario romano, e tiñan a particularidade de axitarse sos en caso de perigo