Hai quen asegura que o
primeiro Feixoo era un cabaleiro chamado
Xiraldo, de orixe goda que, aló polo século X fundou unha vila co seu apelido en
Tras-os-montes. Como queira que sexa, a lenda do seu escudo nobiliario conta que cando Almanzor chegou a
Compostela e arrebatou as campás e as portas da catedral, non había na terra
persoa que ousase enfrontárselle, polo que sempre atacaban pola retagarda, ata
que os nobres reunidos para escarmentar a aquel invasor, decidiron facerlle
fronte e demostrar que os galegos non lle tiñan medo, e o rei que por alí andaba soltou unha arrota do estilo que xa algunha vez vimos nesta
sección de lendas nobiliarias, e foi que diante dun prato de feixóns,
ofreceulle terras e dominios a quen lle trouxese tantas cabezas mouras como
feixóns comese, e foi este paisano descendente daquel Xiraldo, que non debía ter por costume tomar ceas moi pesadas, quen ó día
seguinte traía as seis cabezas que como seis roelas se amosan no seu escudo xunto
coa espada que as decapitou.
Ningún comentario:
Publicar un comentario