A fartura hai que invocala porque doutro
xeito fuxe de nós, e aquí, neste hórreo da Pontenova, atopamos este seixo no
cume do tellado, onde en outros hórreos poñen un pináculo, unha figura
xeométrica ou incluso a representación dunha cabeza humana. Pero neste caso, o
que vemos é un simple seixo branco, con toda a carga simbólica que lle sabemos,
a dureza e permanencia inalterada a través do tempo e a cor da pureza.
Unha
pedra que, igual ca aquelas que vimos nunha casa da Fonsagrada, nalgún castro,
nun pombal de Friol ou mesmo nalgúns fornos, invocan a fartura, que non falte o
pan ou as aves ou a saúde. É pois, esta pedra amorfa un símbolo apotropaico que
se repite en moitos tellados das casas da montaña galega.
Ningún comentario:
Publicar un comentario