Por
Xoana Salgueiro
Cicerón,
o famoso Marco Tulio, que era un republicano convencido e acabou decapitado por
opoñerse a Marco Antonio, débelle o seu alcume (cognomen) a que algún dos seus
antepasados tiña un gran no nariz que parecía un garavanzo ó que eles chamaban “cicer”. E supoñemos que era un gran
rugoso.
Sen embargo, o cicer, que chegou ata nós co nome de chícharo, ó final xeralizouse
en varios grans de leguminosas, de maneira que, dependendo de onde esteamos, os
chícharos poden ser garavanzos, guisantes, ervellas, fríxoles, xudias, alubias
e ate fabas, aínda que se o que aquel avó de Cicerón tiña no nariz se parecese
máis ó chícharo verde que todos coñecemos e gorentamos con tacos de xamón ou
con ovos escalfados, acompañando caldeiradas ou ensaladas, non sería un gran
rugoso, senón liso.
Quedamos coa dúbida de como era o gran do nariz
do antepasado de Marco Tulio Cicerón.
Ningún comentario:
Publicar un comentario