mércores, 22 de novembro de 2017

COMEZAR



    
      
Por Pura Tejelo

Percorre a cidade que sobrevive entre a poeira das horas
os coches aparcados en batería
a  rúa ancha, dous cafés, unha casa de comidas,
seres que entran e saen,
un bloque vulgar de vivendas

O sol queima
respira un pulmón asmático no rastrollo seco do parque
os turistas que van de paso
 nunca farán unha foto sobre a normalidade.

Ela detívose co seu vestido novo,
e mirou a cámara compracida,
o  tecido estampado
tiña  grandes flores azuis sobre un fondo branco

Algo había naquela vila que lle falaba de futuro.
 un lugar no que  comezar.

Ningún comentario:

Publicar un comentario