Volvemos polo
mosteiro de Samos e quedamos hoxe na fachada onde comparten protagonismo san
Bieito co seu corvo e os dous patróns do mosteiro, san Xulián e a súa esposa santa Basilisa, aqueles que, a pesar de casar, desoíndo o mandato de criar
fillos para o ceo, negáronse a consumar o matrimonio.
Dinnos que a obra
escultórica do patrón é do escultor Ferreiro, e que a escaleira está inspirada
na do Obradoiro de Santiago de Compostela. Pero a parte de todas as notas
artísticas e arquitectónicas, que nos contan, que anotamos e que tamén podemos
ver en calquera catálogo, na rede ou en papel, quedamos coa pregunta de por que
os monxes fundadores deste mosteiro escolleron a esta parella de esposos mal
casados para patróns. ¿Talvez como un
aceno de complicidade co voto de castidade dos monxes ou co grande
arrepentimento que por un mal pensamento tivo o santo fundador?.
Como queira que sexa,
paga a pena visitar Samos.
Ningún comentario:
Publicar un comentario