Por Pura Tejelo
Escollamos
antes o escenario dos soños.
Un
recóndito lugar de palmeiras e areais de transparencias procaces
onde
a linfa dos cactus sexa coral branco e durman volcáns esquencidos.
Ou
nalgún recanto do Nilo, onde os ollos arregalados beban a auga do río,
e
delicados eunucos cubran de púrpura a raíña antes de gobernar o imperio
fluvial.
Tal
vez fuxir entre as rías dun cavorco norteño salferido de rochas integrais e
níveas aves.
Ou,
senón, quedemos aquí, neste espazo de música e sendeiros abandonados
agora
que todos se van e os arandos medran impenetrables
o
seu misterio de amargura.
Ningún comentario:
Publicar un comentario