martes, 1 de marzo de 2016

O nacemento de Rómulo e Remo



          

            Marzo que antigamente foi o primeiro mes do ano, segundo o calendario de Numa Pompilio, por ser o mes en que cobra vida a natureza,  tamén dicían os romanos que fora o mes no que non só naceron os seus fundadores, Rómulo e Remo, senón o mes no que foron xerados, despois de que Marte e Rea Silvia, filla do rei de Alba Longa, Nimitor, se xuntaran en amoroso abrazo.
Cando Numitor soubo que a súa filla fora seducida por tan valente deidade, supuxo que o seu reinado colmaríase de beneficios, sobre todo tendo en conta que daquela Marte, ademais dun deus protector da guerra era o deus dos bosques, pero cando o monarca consultou ós augures para confirmar tal sospeita, estes advertírono, que pola contra, aqueles netos serían quen o sacasen do trono, polo que os colleu, meteunos nunha cesta e botounos ó Tiber. Mais, como os augures nunca se enganan, os nenos foron salvados, como todos sabedes, por unha loba.
       Daquela lenda, e doutra como a de Moises, quedounos en Galicia o remedio da cura dos nenos enfermos botando a súa roupa ó río Miño nunha cesta cunha vela acesa.

1 comentario:

  1. Penso que o escritor Eduardo Moreiras recolle esta tradición dos nenos recollidos no río,no libro de "Primaveira no Lor". Felicitacións polo blog.

    ResponderEliminar