Muíño de maré

  

            Un muíño de auga, en xeral, funciona pola forza exercida pola auga sobre un rodicio formado por pás ou penlas dispostas en forma de hélice, o cal move á vez a pedra da moa que vai sobre o pé. Son coñecidos os muíños de río, por abundantes ó longo da nosa xeografía, coas súas pequenas variantes segundo a zona, e tamén segundo o tipo de río, pero tal vez menos coñecidos son os muíños de maré, que, como é lóxico só poden estar na ribeira do mar, e dos que aínda quedan varios que se conservan ó largo das nosas costas, tal este de preto de Ortigueira.

            O seu funcionamento é semellante ó de río, pero neste caso, a auga para encher a presa aprovéitase coa suba da marea, e unha vez chea, péchanse as comportas de acceso deixando só aberta a saída por onde está o rodicio.

             É de destacar neste tipo de construcción o enorme muro da presa, necesario para conter toda a masa de auga que dará a forza motriz do enxeño.

            É evidente que este tipo de muíños só moe cando hai marea baixa.