O día bébedo

Por Pura Tejelo

                                                                Estampado dourado, de Lola Fernández

                                                                  O día bébedo
         descompoñíase en pentagramas louridos
                                                                    -de luz velar-
        A enredadeira tornouse fogueira lanzal.
     
        No vidrar afresonado, el tiña o cabelo da noite.

        Fugas de paixón, no seu ollar de outono.
    
       Unha ave con plumas de prata

                                                   ergueu o seu voo nupcial

       e o broslado do leito enredou furiosas tolemias.

       Entrementres, na bocanoite a montaña

                            púxose a arder aproando ó ocaso.