 |
| Escudo usado polos marqueses de Vilagarcía |
E non digades que estamos tolos se poñemos aquí dous
escudos diferentes, e os dous identificativos do apelido Caamaño. Por certo,
unha nobre e antiga liñaxe descendente dun tal príncipe Sicambre, bisneto de
Príamo, rei de Troia, quen despois de andar perdido polo mundo, atracou nunha
praia galega, e con tan boa fortuna que, moitos anos e séculos despois, cando
os Suevos chegan a Galicia, un Caamaño figura como gobernador desta terra no
453 para darlles a benvida..
A familia Caamaño dominou
as terras da antiga Gallaecia, dando gobernadores, bispos e ata guerreiros que
acompañaron ó rei don Pelaio.
Fundaron mosteiros, e ata cidades como foi a de
Vilagarcía. Loitaron a carón de Fernando III en Sevilla e deron arcebispos e
cardeais. Tiveron a súa casa fortaleza na vila de Noia; e un Vasco Fernández de
Caamaño, que tomou partido por Pedro I, houbo de pasar a Portugal onde fundou a
estirpe dos Camões que brasonaron a poesía épica lusa.
 |
| Da primitiva casa de Noia |
Por iso esta familia ten
tan variada simboloxía heráldica, e para este ilustrar este artigo escollemos
os dous máis coñecidos dentro de Galicia.
Ningún comentario:
Publicar un comentario