venres, 13 de febreiro de 2015

Baamonde, o namorado da inglesa




  
          Repítese en certo modo, na lenda dos Baamonde a lenda dos Gaioso, pois tamén aquí, cando o rei Ramiro de León está cos seus cabaleiros diante dunha fonte de peixes, impúxolles que de tantos peixes que comesen así tantos mouros esfolasen. E aínda que a prudencia dos nobres levou a que só tomasen un ou dous peixes, ou incluso que algún perdese a fame, este Baamonde abrazou toda a fonte, e aínda que moitos lle caeron, quedaron nas súas mans sete pezas que, tras a batalla do día seguinte, pasaron a adornar o seu escudo.
            Como ó monarca lle gustou a boa disposición do seu cabaleiro, escolleuno para formar parte dunha embaixada a Inglaterra, onde entre parlamento e parladoiro, namorou á irma do monarca inglés e chegou a raptala, máis a súa boa disposición e valentía, as relacións de estado e as comenencias diplomáticas, permitíronlle acadar o perdón por tal aldraxe disfrazada de amor apaixoado, polo que o monarca inglés non dubidou en casalo coa súa irmá, chamada dona Milia, e polo que o galego incluíu no seu escudo un “M” coroado.

Ningún comentario:

Publicar un comentario