Madeiras para distintos usos (II)

O enxebre enxoval de carpintería.

Cóntanos o señor Basilio Varela de Loroxo que, como é sabido, noutro tempo o enxoval tamén se facía coa materia prima que a natureza pon máis preto de nós, e seguro que aínda moitos lembran as vasoiras feitas de xesta, que ata usaban no servicio de limpeza dos concellos cando non había cazo por detrás.

            Para facer culleres e garfos, a mellor madeira era a de hedras, mentres que o pino usábase para facer caldeiros, cubetas e baldes. Para os cestos de sementar o mellor era a madeira de pino ou olmo, porque era máis lixeira, mentres que o aro que suxeita as dolas era de carballo, porque non rompe ó dobrar. 

                  Outros cestos, patelas, e incluso nasas de pesco facíanse con corres de correeiro, as mesmas que se usan para atar as vides. O castaño era o máis adecuado para facer os mobles da casa, pero para a artesa era preferible o olmo, por ser madeira máis lixeira. A sella é mellor de castaño, e o baño de salgar de pino recén cortado, para que non pudra.

            E como mostra de conservación da madeira, o señor Basilio móstranos un armario feito a principios do século XX con madeira que apareceu na mallante, e que a pesar dos anos nunca colleu couza ou traza, seguramente por mor do moito tempo que estivo no mar e que a curou contra calquera parasito ou podremia.


E agora imos repasar Os xoguetes de madeira