Foi que un valente
cabaleiro da casa de Ulloa, chamado Gonzalo Ozores de Ulloa, que se di fillo de
Vasco López de Ulloa, despois de sufrir presidio en Francia durante algún anos,
ó volver á súa terra viu que se apropiara dela un tal Fernán Gómez das Seixas,
polo que houbo guerra entre eles e batalla sonada no castro de Ambreixo, onde
venceu e recuperou as propiedades usurpadas.
Os herdeiros da familia
seguiron acrecentando propiedades e poder, tal así que Lope Sánchez, neto do primeiro,
chegou a ter e mandar un exército de mil cincocentos homes, sen contar os
moitos máis que “le besaban la mano” ou sobre quen el mandaba xa fosen labregos
ou artesáns e sobre os que tiña “soga y cuchillo”, segundo nos conta Vasco de
Aponte, ou o que vén ser que podía aplicar xustiza e tamén a pena de morte.
Ningún comentario:
Publicar un comentario