Prometera eu ser un chisco menos criticón ou amargho,
mais isto, á vista do que no mundo acontese, nin é posíbel nin sería ético.
Cómo as relixións (e permitídeme que insista neste tópico) lle comen o coco ás
xentes! Cómo se converten en verdadeiros insitadores de maldade! O título dos versos satánicos –que nunca lin- parese
darnos a rasón.
A gherra santa (gherra en si ou inquisisión na pas) que
hai mil anos e ata catrosentos atrás fasían os autochamados cristiáns (máis
tarde travestidos em católicos)… aghora fanno os musulmáns fanatisados. E
parésennos máis crueis estes que aqueles porque os estamos suportando nós case
en directo –aos antighos somente os coñesemos polos libros- e tamén porque
teñen armas de destrusión masiva… a exemplo das bombas ianquis de hai setenta
anos.
E o que faltará por vir… E é que todo imperialismo
(chámese monroismo ou sionismo) ten, antes ou despóis estas horríbeis
consecuensias. O imperialismo é a cobisa dos políticos como o capitalismo
selvaxe a é dos comersiantes e industriais. A ambisión sin medida é a que o
apodrese todo. E así foi desde os imperios prehistóricos ata os de hoxe…
pasando polos romanos –que hoxe nos semellan tan benéficos-, os otomanos, os
europeos –españois, portugheses, holando-belghas, inghleses…-, ou os euroasiáticos
rusos, como os chineses alá lonxe e desde séculos atrás, ou os americanos USA
tan perto noso.
Ollade se non as Américas divididas arbitrariamente por
riba dos pobos nativos, criando países artifisiais, simple antesedente das
Áfricas e das Asias multiétnicas e concretamente o chamado Medioriente (berse
que foi da nosa sivilisasión, hoxendía con trasas de ser a tumba da mesma), que
desfeita meuhome!
Terá isto fin alghún dia? Dá para pensar que non: ainda
deixando ou esquesendo o daño irreparábel xa feito –exemplo ben próximo témolo
na gherra española-, será posíbel empesar a arranxar o mundo a partir de
aghora? Acho que non, santiños.
Disque a fame vai remitindo: será serto? Mais non parese
diminuir a explotasión infantil –laboral e sexual-, un cancro cabal. Nin os
abusos coa muller –ablasión física e moral por aí adiante, trata e
inferioridade laboral mesmamente entre nós… Ambas realidades herdadas daquelas
escravitudes ou escravaturas rasistas dantano, exersidas sen rubor por ditos
cristiáns… Queredes máis?
Voltando ao comeso: qué nos pode estrañar da comedura de
coco sitada… practicada sobre seres ignorantes ou inxenuos alusinados… se a
nós, supostamente evolusionados, nos están fasendo ighual os que nos aconsellan
un dia e nos desaconsellan ao seghinte comer isto ou aquilo… tan obsecuentes
eles cos fabricantes de medisinas que controlan os presios ou cos donos do
petróleo que combaten as enerxías limpas?
Ningún comentario:
Publicar un comentario