domingo, 6 de decembro de 2015

Nicolás de Bari, o dos galanos






Naceu este santo na actual Turquía no século III, pero no século XI os seus restos foron trasladados a Bari para que o seu sepulcro non quedase en territorio de infieis.
Cóntase del que, nunha época de grandes penurias, cando a fame e a necesidade facía aflorar o canibalismo, soubo que un pousadeiro malvado e avarento, por non ter que servirlle ós seus hóspedes, matou a tres rapaciños e tallounos con intención de servilos guisados, pero o santo entrou na cociña e tras facer sobre o caldeiro no que se atopaban convertidos en anacos o sinal da cruz, as crianzas arrexuntaron os seus cachos e volveron á vida.
San Nicolás está asociado ó santa Claus (Klaus) dos países nórdicos e a inspiración do Papá Noel dos galanos de Nadal, en lembranza de cando, sabendo que unhas mozas de boa familia, por non ter cartos para o dote e poder casar, se ían dedicar á prostitución, cada noite deixáballes pola fiestra unha bolsa de diñeiro para evitarlles a deshonra, e por iso tamén se representa con tres bolas douradas ou tres mazás.

1 comentario: