O ciprés

            A razón de que os cemiterios amosen uns cipreses dentro do recinto, é costume que traemos dos romanos, primeiramente por ser esta unha planta con forma fusiforme, fálica se se quere, e de folla perenne, unha planta sempre viva que semella loitar contra a morte.

            Mais a explicación lendaria da súa orixe nos cemiterios vén a través da lenda que conta de cando había en Grecia un mozo de beleza extrema, chamado Caperiso (ciprés en grego) de quen Apolo, o deus da luz, se namorou.

            Tiña este rapaz un cerviño que usaba de mascota e quixo a mala sorte que o animaliño lle morrese, sumindo ó fermoso mozo na máis triste desconsolación, polo que, apiadado del Apolo, ofreceulle a súa axuda para axudarlle a consolalo, e o cativo non tivo outra idea que pedirlle que lle permitise chorar polo cervo eternamente.

            Para cumprir tal desexo, Apolo converteu a Caperiso en ciprés a carón da tumba da súa mascota.