Deusas da natureza

Antes de que Nosa Señora presidise os festexos do calendario de agosto, nestes días de mediados de mes en que máis festas por metro cadrado existen, cando xa os labores agrícolas da sega ou da malla van rematados ou en proceso de rematar, e queda máis tempo para folgar e dar grazas polos bens recibidos, xa na Roma precristiá se lle ofrecían as primicias a Ceres, a deusa da agricultura, coas súas espigas portadas tal un ramo de flores, e asemade en Oriente, dentro dos limites da antiga Siria, facíanlle festa aAstargatis, unha divindade metade muller e metade peixe, como patroa da fertilidade. E sen saír de Roma á deusa da natureza, a Diana, a Artemisa grega, tamén tiña un día para lembrala, aínda que a súa festa grande vai ser máis no outono.