venres, 2 de agosto de 2013

Pinche de ghaleses


Así, con gheada debe pronunciarse o nome desta cuncha plana que tapa a vieira, e que se usaba como elemento protector contra as inclemencias do vendaval nas Rías Baixas e terras próximas.
            As cubricións de ghaleses non se usaban nas fachadas, senón tan só naqueles pinches onde o inclemente sur golpea as casas.
            
          Este é só un exemplo do uso das cunchas, que tamén servían, as do berberecho e mexillón para cubrir os enlamados camiños ou como aportador de calcio nas terras de cultivo, así como improvisadas lanternas ou palmatorias antes de que chegase a luz eléctrica; e ata como cunca de viño, como lembra o refrán: “Os de Palmeira, beben o viño polo cunca da aviñeira”. E de feito Palmeira era un gran productor de vieira, ata o punto de que, posiblemente o seu nome derive, precisamente de “cuncha da palma”.

1 comentario:

  1. Encántame istos usos das cunchas. É moi bonito el efecto no entorno rural marítimo. Ista é unha das cousas que sorprende ó visitante

    ResponderEliminar